လူတစ်ယောက်ဆို လိမ်တာ တော်တော်လေးပိပိရိရိလိမ်တာ။
လူတစ်ယောက်က သမင်လေး ၂ကောင်ယူလာတယ်၊၊ တစ်ကောင်က အကြီး၊ တစ်ကောင်က အငယ်တဲ့၊၊ အဲဒီခေတ်က ငွေဈေးနဲ့ပြောရရင် အကြီးကောင်က ၂ကျပ်။ အကြီးကောင်လိုချင်ရင် ပိုက်ဆံ ၂ကျပ်ပေးရမယ်၊၊ အငယ်ကောင် လိုချင်ရင် ၁ကျပ်၊၊
အဲဒီတော့ အရက်သမားတစ်ယောက်နဲ့တွေ့တယ်
``ဈေးသွားရောင်းဖို့လား.´´
``အေး ဟုတ်တယ်၊ ရောင်းမှာ´´
`` တစ်ကောင် ဘယ်လောက်တုန်း´´ ပေါ့
`` ဒီ သမင်ကြီးက ၂ကျပ်၊ အကောင်လေးက ၁ကျပ်´´
အရက်သမားက အကြံဉာဏ်ကောင်းတယ်၊၊ သူ့အိတ်ထဲ စမ်းလိုက်တော့ ပိုက်ဆံလေး ၁ကျပ်တွေ့တယ်၊၊ ၁ကျပ်ပေးပြီး အကောင်လေး ယူသွားတယ်၊၊ အတော်လေး သွားပြီးတဲ့ အခါကျတော့ သူကပြန်ခေါ်တယ်၊၊
နေပါဦး နေပါဦးနဲ့ဆိုပြီးတော့ ခုနဟိုလူကလည်း အတ,တကိုး။ ဂဏန်းလည်း တွက်တတ်မယ် မထင်ဘူး၊၊ အဲဒီတော့ ပြန်လာပြီး ပြောတယ်၊၊
``ကျုပ်အကောင်လေး မယူတော့ဘူး၊ အကောင်ကြီးဘဲ ယူတော့မယ်´´ ဆိုတော့ ဟိုလူကပြောတယ်၊၊
``ခင်ဗျား အကောင်ကြီးယူရင် ငွေ၁ကျပ် ထပ်ပေးရမယ်´´
``ဟာ, ခင်ဗျား ဘာပြောတာတုန်း။ စဉ်းစားကြည့်လေ၊ ခင်ဗျားကို ငွေတစ်ကျပ် ပေးပြီးသားနော်´´
``ဟုတ်တယ် ပေးပြီးသား၊၊´´
``အဲဒီငွေ ၁ကျပ်ရယ်၊ ဒီကောင်လေးက ၁ကျပ်တန်တယ်၊၊ အဲဒီတော့ ၂ကျပ်ပြည့်ပြီ၊ ဟိုကောင်ကြီးပေးလိုက်´´
အဲဒီရောင်းတဲ့လူကလည်း ဘာပြန်ပြောရမှန်းမသိဘူး၊၊ အကောင်ကြီးပေးလိုက်တယ်၊၊ အဲဒီလိမ်နည်းဟာ ဘယ်လောက်ပိရိတယ်ဆိုတာ စဉ်းစားကြည့်နော်။
အော်....ဒီလိုနည်းနဲ့ လှည့်ယူသွားတာ၊၊ ဒါ အဒိန္နာဒါနပဲ။.....
No comments:
Post a Comment