သတ္တသင်္ဂဟနှင့် လောကသင်္ဂဟ

*သတ္တသင်္ဂဟနှင့် လောကသင်္ဂဟ*

မမြင့်မြတ်သူတို့သည် သူတစ်ပါးက မိမိထက် သာသွားမှာကိုစိုးရိမ်၏။ ပူပန်၏။ မနာလို၏။ ဝန်တို၏။

မြင့်မြတ်သူတို့ကား သူတစ်ပါးရှိရင်းစွဲ အခြေအနေမှ ရွေ့လျောနိမ့်ကျသွားမှာကို စိုးရိမ်၏။ ပူပန်၏။ မိမိထက် သာသွားသည်ကို ကြည်နှုး၏။ ဝမ်းမြောက်၏။ ချီးကျူး၏။ အားတတ်၏။ ဤသည်မှာ မြင့်မြတ်သူများနှင့် မမြင့်မြတ်သူများ အနေဖြင့်ဘဝခရီးကို လျှောက်ကြရာ၌ မျက်နှာမှုရာ တူရူချင်း ခြားနားပုံ ဖြစ်၏။

အမှန်အားဖြင့် လူသာမက သတ္တဝါအားလုံးသည် ဤတူရူနှစ်ဖက်အနက် တစ်ဖက်ဖက်သို့ ခဏတိုင်းခဏတိုင်း လျှောက်နေကြသည် ဖြစ်ပါ၏။ ထိုသို့ လျှောက်နေကြသော်လည်း မိမိတို့အနေဖြင့် မည်သည့်တူရူအတိုင်း လျှောက်နေကြသည်ကို အမှန်အတိုင်း မသိကြ။ အမှန်အတိုင်း မသိကြသောကြောင့်သာ မိမိတို့လျှောက်နေကြသော တူရူကို မှန်သောတူရူဟူ၍ ထင်မှတ်နေကြခြင်းဖြစ်၏။ ထိုသို့ ထင်မှတ်နေသောကြောင့်သာ မမြင့်မြတ်သူများသည် မိမိတို့အနေဖြင့် သတ္တသင်္ဂဟတူရူအတိုင်း လျှောက်နေခြင်းဖြစ်ပါလျက် မိမိတို့သည် လောကသင်္ဂဟ တူရူအတိုင်း လျှောက်နေကြခြင်း ဖြစ်သည်ဟု ကြွေးကြော်ကြ၏။

မိမိတို့သည် ကိုယ်ကျိုးကို ပဓာနထားကာ အများအကျိုးတည်းဟူသော မျက်နှာဖုံးဖြင့် လုပ်နေခြင်း ဖြစ်ပါလျက် အများကောင်းစားရေးအတွက် လုပ်နေကြခြင်းဖြစ်၏ ဟူ၍ လည်းကောင်း၊ ၂၄နာရီလုံးလုံး မအိပ်မနေလုပ်နေကြခြင်း ဖြစ်၏ ဟူ၍ လည်းကောင်း ကြွေးကြော်ကြ၏။ ဤကြွေးကြော်ချက်မျိုးကို ``ပပဉ္စ´´သိဖြင့် ကြွေးကြော်ခြင်းဟုဆိုရ၏။ အဂတိလေးပါးဖြင့် ကြွေးကြော်ခြင်း ဟူ၍လည်း ဆိုရ၏။ ``ပပဉ္စ´´သိ ဟူသည်မှာ ``အတ္တဒိဠိ´´ဖြစ်၏၊၊ ဒေသနာတော်၌ ဤသို့ ကြွေးကြော်ခြင်းကို ဤသို့ ဆို၏။

အနယော နယရူပေန ဗုဒ္ဓိမက္ကမ္မ တိဋ္ဌတိ
``မှားသော နည်းသည် မိမိ၏ အသိဉာဏ်ကို ကျော်လွှား၍ မှန်သောနည်း အသွင်ဖြင့် ရပ်တည်တတ်၏။´´

အမှန်အားဖြင့် မမြင့်မြတ်သော လူများသည် အတ္တသိအားကြီးလာသောအခါ အမှားကို အမှန်ထင်တတ်ကြ၏၊ မကောင်းကို အကောင်းထင်တတ်ကြ၏၊ မိတ်ဆွေကို ရန်သူ ထင်တတ်ကြ၏၊၊ ဤသို့ ထင်ခြင်းသည် မိမိတို့ ပျက်စီးခြင်း၏ သင်္ကေတဖြစ်၏၊၊ မိမိတို့ ပျက်စီးခြင်း၏ အရိပ်နိမိတ် ဖြစ်၏၊၊

ထိုသို့ဖြစ်သော်လည်း ``ငါမှန်တယ်´´ ဟူ၍သာ ဇွတ်အတင်း မိမိ၏အယူအဆကို ဖက်တွယ်ထားတတ်၏၊၊ ဤသဘောကို ``အာဓာနဂ္ဂါဟီ´´ ဟူ၍ ဆို၏၊၊ အကယ်၍ မှားမှန်းသိနေသည့်တိုင်အောင် ``မထူးတော့ပါဘူးကွာ´´ ဟူသော ခံယူချက်ဖြင့် မိမိ၏ အယူကို မစွန့်ဘဲ ဇွတ်အတင်း ဆက်လုပ်တတ်၏၊၊ ဤသဘောကို ``ဒုပ္ပဋ္ဋိနိဿဂ္ဂိ´´ ဟူ၍ ဆိုရာ၏၊၊ ဤသည်မှာ မမြင့်မြတ်သူတို့၏ လက္ခဏာဖြစ်၏၊၊ ဤသို့သော သူများကို ကျမ်းဂန်များ၌ ``ဒုဗ္ဗစ´´ ဟူ၍ ဆို၏၊၊ ဒုဗ္ဗစ ဟူသော ပါဠိဝေါဟာရ၏ အနက်မှာ ``ပြောရဆိုရခက်သူ´´ ဟူ၍ ဖြစ်၏။ ထို့ကြောင့် ပြောရဆိုရခက်သူ ဟူသမျှသည် မမြင့်မြတ်သူတို့ ဖြစ်၏၊၊

(ဆရာ ဦးရွှေအောင်စာအုပ်မှ ထုတ်နှုတ်ဖော်ပြသည်၊၊)