သရဏ

*သရဏ*

ကိုးကွယ်မှုနှင့်စပ်လျဉ်း၍ ''သရဏ''ကို ဦးစွာနားလည်ရန် လိုသည်။ သရဏဟူသည် ''ကိုးကွယ်ရာ''ပင်ဖြစ်၏။ သို့သော် ''သရဏကို ကိုးကွယ်ရာ''ဟု ဘာသာပြန်ခြင်းမှာ နားလည်လွယ်အောင် ဘာသာပြန်ခြင်းဖြစ်၏၊ သရဏ၏ မူလဆိုလိုရင်းမှာ ''သတ်ဖြတ်ခြင်း ပယ်ဖျောက်ခြင်း ဖယ်ရှားခြင်း'' ပင်ဖြစ်သည်၊၊

ဘေးရန်အန္တရာယ်အမျိုးမျိုး၊ ကြောက်ရွှံ့ထိတ်လန့်ဖွယ်အမျိုးမျိုး၊ ကိုယ် စိတ် ဆင်းရဲမှုအမျိုးမျိုး၊ (ဒုစရိုက်တရားပြုမိမှား၍ ) လားရောက် ကျခံရမည့် အပါယ်ဒုဂ္ဂတိဘေးအမျိုးမျိုး အချုပ်အားဖြင့် သံသရာတခွင်လုံး မဆုံးနိုင်အောင် ကျင်လည်ခံစားရမည့် ဘေးဒုက္ခအမျိုးမျိုးတို့ကို သတ်ဖြတ် ပယ်ဖျောက်၊ ဖယ်ရှား ပေးတတ်သည်ကို ''သရဏ''ဟု ခေါ်သည်၊၊

ဘေးရန်အန္တရာယ်များကို ဖယ်ရှားပေးခြင်းဖြင့် ကောင်းကျိုးချမ်းသာကို ပေးသည်ဟု အဓိပ္ပာယ်သက်ရောက်လာ၏၊၊ ဤအဓိပ္ပာယိကို ခြုံငုံ၍ ''စောင့်ရှောက်တတ်သောအရာ''ဟု လည်းကောင်း၊ ''ကိုးကွယ်ရာ''ဟု လည်းကောင်း ဘာသာပြန်ကြခြင်းဖြစ်၏၊၊ ထို့ကြောင့် _

``သရဏ_ ဘေးရန်ဖယ်ရှား ကောင်းကျိုးများအောင်၊ ဘေးရန်ပယ်ဖျောက် ချမ်းသာရောက်အောင် စောင့်ရှောက်တော်မူတတ်သဖြင့် အမြတ်ဆုံးသော ကိုးကွယ်ရာ´´ ဟူ၍ သရဏဂုံ အနက်များကို ကဗျာလင်္ကာဖြင့် ပြည့်ပြည့်စုံစုံ ဂုဏ်ရသမြောက်အောင် ရေးသားကြခြင်း ဖြစ်ပေသည်၊၊

ဗုဒ္ဓ ဓမ္မ သံဃဟူသော ရတနာမြတ်သုံးပါးတို့ အသီးသီး သရဏဖြစ်ပုံ(ဘေးရန် ပယ်ဖျောက်နိုင်ပုံ)ကိုလည်း မှတ်သားသင့်၏၊၊

{မြတ်စွာဘုရား}သည် သတ္တဝါတို့အား မကောင်းမှုဒုစရိုက်များကို ရှောင်ရှား၍ ကောင်းမှုသုစရိုက်တို့ကို ဆောင်ထားရန် ကြောင်းကျိုးပြ၍ ဆုံးမသွန်သင်ပေးခြင်း၊ သံသရာ လည်ကြောင်း ပြတ်ကြောင်းကို လမ်းညွှန်ပြခြင်းဖြင့် ကျရောက်ဆဲ ကျရောက်လတ္တံ့သော ဘေးရန်အန္တရာယ်များကို ဖယ်ရှားတတ်၏။ ကောင်းကျိုးချမ်းသာများကို ဖြစ်ပွားစေတတ်၏။ ထို့ကြောင့် မြတ်စွာဘုရားရှင်သည် စစ်မှန် မြင့်မြတ်သော ကိုးကွယ်ရာ (သရဏ) ဖြစ်သည်။

{တရားတော်}သည် ငါးပါးသီလမှစ၍ တရားတော်အတိုင်း လိုက်နာကျင့်သုံးလျင် သံသရာကျင်လည်ရစေကာမှု ဘေးအန္တရာယ်ကင်းကွာ၍ သက်တောင့်သက်သာ ချမ်းသာမှုရှိအောင် ဆောင်ရွက်ပေးတတ်၏။ သံသရာဝဋ်ဒုက္ခမှ လွတ်မြောက်လိုလျင်လည်း လွတ်မြောက်သည်အထိ ပို့ဆောင်ပေးနိုင်၏။ ထိုသို့ သာယာမှုပေးတတ် လွတ်မြောက်စေတတ်၍ တရားတော်သည် စစ်မှန်မြင့်မြတ်သော ကိုးကွယ်ရာ (သရဏ)ဖြစ်သည်၊၊

{သံဃာတော်}သည် မြတ်စွာဘုရား ဟောကြားတော်မူသော တရားတော်များကို ဆောင်၍ သတ္တဝါတို့အား (မြတ်စွာဘုရားရှင် ကိုယ်စား) ဟောကြားညွှန်ပြ၏၊၊ ကိုယ်တိုင်လည်း မြတ်သောအလှူခံပုဂ္ဂိုလ် ဖြစ်သည်အထိ ကျင့်ကြံ၍ ပူဇော်လှူဒါန်းသူများ အကျိုး စီးပွား များအောင်၊ ဘေးရန်ကင်းအောင် ဆောင်ရွက်တော်မူတတ်၏၊၊ ထို့ကြောင့် သံဃာတော်သည် စစ်မှန်မြင့်မြတ်သော ကိုးကွယ်ရာ(သရဏ) ဖြစ်သည်၊၊

ဤ ဘုရား တရား သံဃာ ရတနာတော်မြတ်သုံးပါးကဲ့သို့ သတ္တဝါတို့အား ဘေးရန်ပယ်ဖျောက် ချမ်းသာရောက်အောင် စောင့်ရှောက်ကယ်မနိုင်သော ပုဂ္ဂိုလ် ဓမ္မမျိုးသည် ဘယ်မှာမှမရှိနိုင်ပေ၊၊ ထို့ကြောင့် ရတနာမြတ်သုံးပါးသည်သာ သတ္တဝါတို့၏ အကောင်းဆုံး အမြတ်ဆုံး အစစ်မှန်ဆုံးသော ကိုးကွယ်အားထားရာ ဖြစ်တော်မူ၏။