*ကံ၏ အနက်အဓိပ္ပါယ်*
ကံဆိုသည်မှာ ပါဋ္ဌိဘာသာ 'ကမ္မ' မှ ဖြစ်လာသော မြန်မာဝေါဟာရ ဖြစ်သည်၊၊ ပြုလုပ်မှုဟု အဓိပ္ပာယ်ရပါသည်၊၊
ထိုပြုလုပ်မှုဟူသော ကံသည်_
(က) ကိုယ်ဖြင့် ပြုလုပ်မှု (ကာယကံ)၊
(ခ ) နှုတ်ဖြင့် ပြုလုပ်မှု (ဝစီကံ)၊
(ဂ ) စိတ်ဖြင့် ကြံစည်မှု (မနောကံ)လို့ (၃)မျိုးရှိပါတယ်၊၊
ကံဖြစ်ပေါ်လာရန် စေတနာသည် အရင်းခံဖြစ်သည်၊၊ စေတနာ ဟူသော စကားလုံးသည် ဗုဒ္ဓဘာသာ၏ မူပိုင်စကားလုံး ဖြစ်သည်၊၊ စေတနာဟူသော စကားလုံး၏ တိကျသော အဓိပ္ပာယ်ကို အခြား မည်သည့်ဘာသာကမျှ ပြန်ဆိုဖော်ပြနိုင်စွမ်းမရှ
စေတနာသည် ကောင်းကောင်းဆိုးဆိုး အမျိုးမျိုးသော ကိုယ်မှု နှုတ်မှု စိတ်မှု တို့ကိုပြုလုပ်ရာ၌ လိုရင်းပဓာန အချက်အချာကျသော အကြောင်းတရား ဖြစ်သည်၊၊ မည်သည့် ပြုလုပ်မှုကိစ္စမဆို စေတနာမပါလျှင် မထမြောက် မအောင်မြင်နိုင်၊၊ စေတနာပါရှိမှသာ ထမြောက် အောင်မြင်နိုင်သည်၊၊
စေတနာသည် စိတ်ကို လှုံ့ဆော် စေ့ဆော် နှိုးဆော်ပေးတတ်၏၊၊ စေတနာ နှိုးဆော်မှု အင်အားအလိုက် ပြုလုပ်မှု ကံတရားတို့ ဖြစ်ပေါ်လာရ၏၊၊ စေတနာအားကောင်းလေလေ ကံတရားတို့ အားကောင်း ထက်သန်လေလေဖြစ်၏၊၊ စေတနာသည် လွန်စွာ နူးညံ့သိမ်မွေ့သော တရားဖြစ်သဖြင့် သဘောပေါက်ရန် မလွယ်ပေ၊၊ သို့သော် စိတ်ကို တွန်းအားပေးသူမှာ ထိုနူးညံ့သိမ်မွေ့သော စေတနာပင်ဖြစ်သည်၊၊ စေတနာက နိူးဆော်တိုက်တွန်း၍ ကိုယ်နှုတ်တို့က ပြုလုပ်ပြောဆို ကြံစည်ကြသဖြင့် စေတနာရှေ့သွားရှိသော ကိုယ်မှု နှုတ်မှု ကြံစည်မှု ကံဟူသမျှသည် စေတနာသဘောရှိသောကြောင့် လည်းကောင်း၊ စေတနာနှိုးဆော်တိုက်တွန်း၍ ကိုယ်နှုတ်တို့ လှုပ်ရှားမှုအမူအယာ၊ စိတ်ဖြင့် ကြံစည်မှု အမှုအရာကိုပြုလုပ် ပြီးစီးတတ်သောကြောင့် လည်းကောင်း စေတနာကို 'ကံ'ဟုခေါ်ဆိုရသည်၊၊
ကံဟူသော အမည်သည် ကိုယ်မှု နှုတ်မှု စိတ်မှု တို့၏ အမည်ရင်းသာဖြစ်၏၊၊ ထို့ကြောင့် ကံတရားတို့ ဖြစ်ပေါ်လာရေးအတွက် စေတနာသည်အကြောင်းခံ ဖြစ်သည်၊၊ ''စေတနာ ဟံ ဘိက္ခဝေ ကမ္မံ ဝဒါမိ_ချစ်သားတို့ စေတနာကို ကံဟု ငါဘုရားဟောတော်မူသည်''သူ မြတ်စွာဘုရား မိန့်တော်မူထားသည်၊၊ ကံတရားတို့၏ အပြင်းအပျော့ အားကောင်း မကောင်းသည် လှုံ့ဆော်ပေးတတ်သော စေတနာအင်အားပေါ် မူတည်သည်၊၊
ထိုစေတနာသည် ပုဗ္ဗ စေတနာ၊ မုဉ္စ စေတနာ၊ အပရ စေတနာဟူ၍ သုံးမျိုးရှိ၏၊၊ ကံတရားတစ်ခု ဖြစ်ပေါ်လာစေရန် လှုံ့ဆော်မှု စေတနာ တွန်းအားသည်လည်း သုံးမျိုးရှိသည်၊၊
စေတနာသည် ကံတစ်ခုမဖြစ်မီ ကြိုတင်၍ တွန်းအားပေးသည်၊၊
ကံကို ပြုဆဲခဏ၌လည်း တွန်းအားပေးနေသည်၊၊
ကံကို ပြုပြီးချိန်၌လည်း အဆက်မပြက် တွန်းအားပေးပြန်သည်၊၊ ထို့ကြောင့် စေတနာ တွန်းအားသည် သုံးမျိုး ဖြစ်လာသည်၊၊
စေတနာသုံးချက် ညီညွှတ်စွာ ပြုလုပ်မှသာ အလုပ်တစ်ခု ကံတစ်ခု၏ အကျိုးပေးမှုမှာ ပြည့်စုံအားကောင်းသည်၊၊ စေတနာ တစ်ချက်ချက် ပျက်ကွက်အားလျော့နေလျင်၊ ချို့တဲ့နေလျင် ကံတရားတို့ ဖြစ်ပေါ်မှု အားလျော့ကာ အကျိုးပေးမှု ချို့ယွင်းတတ်လေသည်၊၊
ဤလောက၌ ကံ၊ ဉာဏ်၊ ဝီရိယဟူ၍ သုံးမျိုးရှိသည်၊၊ ဉာဏ်နှင့် ဝီရိယတို့မှာ ပေါ်လွင်ကြသဖြင့် အငြင်းမပွားကြသော်လည်း ကံနှင့်စပ်၍ ယုံသူ၊ မယုံသူ ရှိလာသည်၊၊ ကံမယုံသူတို့သည် မိမိတို့ မယုံပါဆိုသည့် ကံကိုပင် နေ့စဉ်ပြုလုပ်နေကြသောကြောင်
လောကလူသားတို့ကို ကြည့်လျင် လူတိုင်းသည် အချိန်တိုင်း အလုပ်လုပ်နေကြသည်၊၊ အလုပ်လုပ်သဖြင့် လုပ်အားတန်ဖိုးကို ရရှိကြသည်၊၊ ထိုအလုပ်သည် ကောင်းသောအလုပ်၊ မကောင်းသော အလုပ်ဟူ၍ နှစ်မျိုးရှိသည်၊၊ မကောင်းသောအလုပ်ကို ပြုလုပ်ကြသဖြင့် လောကဥပဒေများအရ ငွေဒဏ်၊ ထောင်ဒဏ်၊ သေဒဏ်များ ခံကြရသည်၊၊ ကောင်းသောအလုပ်များကို ပြုလုပ်ကြသဖြင့် ငွေကြေး၊ ဥစ္စာ၊ ဆုလာဘ်၊ ရာထူးအာဏာတို့ တိုးပွားရရှိကြသည်၊၊ ဤသို့လျင် ကံဟုခေါ်သော အလုပ်များကို နေ့စဉ် နေ့တိုင်း အချိန်ရှိတိုင်း လူတိုင်း ပြုလုပ်နေကြသဖြင့် ကံအကျိုးတရားများကို ရရှိခြင်း ဖြစ်သည်၊၊
သို့ဖြစ်၍ ကံသည် ဧကန်ပင်ရှိသော သဘောသဘာဝဖြစ်သည်၊၊ ကံရှိနေ၍ ကံ၏ကောင်းကျိုး၊ ဆိုးပြစ်တို့ကို ခံစားနေကြသည်၊၊ကံကို ငြင်းဆန်ကန့်ကွက်ရန် အကြောင်းမရှိပေ၊၊
(ကံအမျိုးမျိုးကို ဆက်လက်ဖော်ပြပါမည်၊၊)
No comments:
Post a Comment